Babo: Lalika Hakfodak, CNRT Hanoin Di'ak ba Nasaun

MNEK Dionisio Babo Soares, Ko'alia hela ba midia sira iha Palasiu Governu, iha Dili (21/01) MNEK Dionisio Babo Soares, Ko'alia hela ba midia sira iha Palasiu Governu, iha Dili (21/01) Foto Suplai

Tempotimor (Dili)- Hafoin deputadu 21 husi Bankada CNRT vota Absteinsaun no kontra Proposta OJE husi Governu AMP, Ministru Negosiu Estranjeiru no Kooperasaun (MNEK) Deonisio Babo husu atu labele hakfodak ho situasaun politika ne'ebé daudauk ne'e mosu tanba asaun husi partidu CNRT nu'udar asaun hanoin nasaun.

"Sertu partidu hotu-hotu i liu-liu partidu CNRT hanoin di'ak ba nasaun, laiha partidu ida hanoin aat ba nasaun ida ne'e, hanesan mau Xanana, Lu Olo, Taur Matan Ruak no Mari Alkatiri sira bele diferensia, maibé iha hanoin di'ak no sira sei buka malu hodi koalia ba malu, oinsa mak bele rezolve prosesu ne'e", deklara Babo hafoin hasoru-malu ho primeiru ministru iha palasiu governu, Tersa (21/01).

Tan ne'e Babo husu ba povu tomak atu labele hakfodak ho prosesu politika ne'ebé daudauk ne'e lao.

"Ita labele hakfodak ho prosesu politika sira hanesan ne'e, tanba ida ne'e iha atmosfera konstitusional, nasaun hotu-hotu iha mundu mós akontese hanesan ne'e", dehan Babo.

Governante ne'e hatutan, maske prosesu akontese nune'e, maibé importante mak nasaun labele monu no tuir nafatin mekanismu konstitusional.

Maske nune'e, nia dehan, sei iha enkontru entre lider partidu hotu par bele deside medida saida mak foti ba oin.

Baba afirma, mudansa governu ne'e prosesu normal, tanba ne'e lalika hakfodak sei iha piramida konstitusional par bele prosede prosesu hirak ne'e.

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Anunsiu

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com