Abstein Iha PN, UDT/FM Halo Deklarasaun Votu iha Palásiu Prezidensiál

Lideransa husi partidu UDT/FM ko'alia ba Midia iha Palasiu Prezidensial (23/01) Lideransa husi partidu UDT/FM ko'alia ba Midia iha Palasiu Prezidensial (23/01) Foto Midia PR

Tempotimor (Dili) - Partidu koligasaun União Democratica Timorense (UDT) /Frente Mudansa (FM) deklarasa razaun vota abstensaun ba Orsamentu Jerál Estadu (OJE) tinan fiskál 2020, iha diskusaun jeneralidade iha sexta 17 de Janeiru 2020.


Hafoin remata enkontru ho Prezidente Repúblika, Francisco Guterres Lú Olo, Prezidente interinu Partidu FM, Igídio de Jesus hatete, vota abstensaun ne'ebé sira-nia bankada halo hanesan parte kontribusaun iha Parlamentu Nasionál.

"Ami vota abstensaun (nu'udar) fó nafatin ami nia kontribusaun iha Parlamentu. Ne'e duni, hanesan mós ho partidu seluk ami fó opiniaun ba Prezidente Repúblika," dehan nia, iha Palásiu Prezidensiál, Bairru-Pité, Kinta (23/1).

Iha fatin hanesan, Xefe Bankada UDT/FM, Francisco David Carlos hatete, hanesan bankada ne'ebé sempre fó apoiu ba governu maibé, importante liu mak apoiu programa governu nian.

"Ami ba iha ne'ebá para apoiu programa AMP, para garante de'it governasaun ne'e di'ak ba povu nia moris di'ak," dehan Francisco.

Entertantu pozisaun UDT/FM bainhira hasoru malu ho Prezidente Repúblika, Francisco Guterres Lú Olo, propoin governu grande inkluzaun nu'udar solusaun ida atu rezolve situasaun impase polítika. (*)

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Anunsiu

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com