"Susar maka istória polítika hatudu, ohin aliadu, aban inimigu fali", dehan Sekretáriu Jerál FRETILIN, Mari Alkatiri, iha Palásiu Prezidensiál, Bairru-Pité, Sesta (24/1).
Maski nune'e, la taka dalan atu hamosu koligasaun foun bainhira Prezidente Repúblika fó dalan, maibe tenke buka situasaun ida para kria konfiansa entre lider polítiku hodi hetan solusaun polítika no konsertasaun programa ba bem estar komun.
Biar hanesan ne'e, Partidu FRETILIN rasik seidauk estabelese komunikasaun ruma ho partidu polítiku sira seluk.
"Ha'u seidauk hasoru nem PLP, CNRT no KHUNTO, depende vontade polítika husi parte hotu-hotu, la depende de'it ba FRETILIN," dehan Alkatiri.
Nia hatutan, uluk iha ona koligasaun ba malu maibe ikus mai sobu no halai sai.
"Uluk hamutuk ona (mas) la hatene sé mak halai abandona sé. Ha'u la hatene!" akresenta Mari.
Sekjer FRETILIN ne'e dehan, konsensu entre partidu polítiku sira signifika hotu-hotu tuur no iha sentidu responsabilidade hodi hateke ba oin ho ajenda klaru ba programa servisu komun. (*)
Sekretariu Jeral Partidu FRETILIN, Dr. Mari Alkatiri, ko'alia ba midia hafoin sorumutuk ho Prezidente da Republika, Dr. Francisco Guterres Lu Olo, iha Palasiu Prezidensial, Dili (24/01)
Foto Midia PR
Tempotimor (Dili) - Senáriu polítika ne'ebé akontese iha koligasaun bloku Aliansa Mudansa ba Progresu (AMP) laran to'o ikus sé kotuk ba malu, hamosu preokupasaun no lori traumatiku ba Partidu FRETILIN.
Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.com