Kambodia istorikamente relasaun ho Timor-Leste di'ak tebes, inisiu kedas iha tempu okupasaun Indonézia, Kambodia iha ona asaun solidariedade ba luta Timor nian iha 1976.
"Polítika esterna Timor-Leste nian prioridade liu ba ASEAN, oinsá mak ita atu adere ba ASEAN," dehan Embaixadór TL ba Kambodia, Hermenegildo Lopes, iha Palásiu Prezidensiál, Bairru-Pité, Tersa (28/1).
Alende lori Timor adere ba ASEAN, liu husi Kambodia nia apoiu, Hermenegildo mos sei hametin liutan kooperasaun iha área turizmu istóriku no agrikultura.
Embaixadór foun nee agradese ba konfiansa ne'ebé governu, estadu no povu fo ba nia hodi repzenta TL ba rai li'ur. (*)