Hanesan mós moto PD nian katak "Laiha Rezerva Ba Rai Timor". Tanba ne'e, loke-aan ba diálogu ho partidu polítiku hotu-hotu hodi buka dalan solusiona impase polítika iha rai laran.
Prezidente PD, Mariano Assanami Sabino hateten, PD sempre nakloke ba diálogu ho partidu polítiku sira inklui lider nasionál.
"PD maluk hotu. Iha komunikasaun mos di'ak ba (partidu polítiku) hotu-hotu," dehan nia, iha Palásiu Prezidensiál, Bairru-Pité, Kuarta (29/1).
Assanami hatutan, PD mos iha komunikasaun di'ak ho lider rezisténsia hanesan Xanana Gusmão, Mari Alkatiri, Taur Matan Ruak no Ramos Horta.
"PD laiha laran moras, laiha ódiu, PD iha mak kontinua firma para serve," reforsa Assanami.
Partidu Demokrátiku rasik dadaun ne'e iha asentu parlamentár ho kadeira lima (5) hanesan bankada opozisaun.
Lideransa PD tuur hamutuk hela iha meja reuniaun Prezidente da Republika nian hodi hato'o sira nia hanoin ba PR iha palasiu Prezidensial (29/01)
Foto Midia PR
Tempotimor (Dili) - Partidu Demokrátiku (PD) seidauk iha kontaktu formál ho partidu polítiku balun, maibé loke dalan nafatin ba koligasaun hodi serve Povu no Estadu.
Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.com
