Login to your account

Username *
Password *
Remember Me

Rezultadu Dialogu Parpol ho PR Lú Olo: Úniku CNRT Mak Hakarak EA

Palasiu Prezidente da Republika iha Bairo Pite Dili (29/01) Palasiu Prezidente da Republika iha Bairo Pite Dili (29/01) Foto Midia PR

Tempotimor (Dili) - Diálogu entre Prezidente Repúblika (PR), Francisco Guterres Lú Olo ho partidu polítiku sira ne'ebé hetan asentu iha Parlamentu Nasionál termina ona,  iha Kuarta (29/1).

Husi rezultadu diskusaun hotu-hotu, úniku Partidu Congresso Nacional Reconstrução Timor-Leste (CNRT) maka hakarak volta ba eleisaun antesipada (EA).

Hanesan deskreve liuhusi fan page Facebook "Media Centre CNRT" deklara, hafoin VII Governu Konstitusionál monu, Prezidente Repúblika dekreta kedas ba eleisaun antesipada.

Tuir CNRT, desizaun Xefe Estadu iha 2017 hodi deklara EA to’o 2020 sei sai ona presedente no jurisprudénsia ne’ebé tenke halo tuir, hodi hatúr solusaun justu no demokrátiku ba impase iha nasaun ne'e.

Maski nune'e, pozisaun ba Partidu KHUNTO la pronúnsia pozisaun ruma iha prosesu foun ne'e, maibé apela ba lider luta na'in sira atu tuur hamutuk buka solusaun di'ak ba impase polítika iha nasaun ne'e.

"Pozisaun KHUNTO nian husu ba aman nasaun luta na'in sira atu tuur hamutuk para haree (rezolve) impase polítika ne'e," dehan Prezidente Partidu KHUNTO, Armanda Berta.

Pozisaun husi Partidu koligasaun União Democratica Timorense (UDT) / Frente Mudansa (FM) afirma pozisaun atu hamosu governu grande inkluzaun iha formasaun governu foun.

"Bele karik governu grande inkluzaun, maibé ne'e hotu kompeténsia husi Prezidente Repúblika," dehan Xefe Bankada UDT, David Carlos Pires.

Iha Fatin hanesan, Prezidente interinu Frente-Mudansa, Igídio de Jesus hatete, lisan Timor mak nahe biti boot hodi bele tuur hamutuk buka solusaun.

"Idealista liu mak tuur hamutuk tuir ita-nia kostume," dehan Egidio

Nune'e, pozisaun husi Partidu Libertasaun Populár (PLP) foti pozisaun atu entrega hikas ba Prezidente Repúblika tuir konstituisaun.

"Solusaun saída de'it mak Prezidente Repúblika deside, ami hotu partidu PLP konkorda no apoiu," dehan Prezidente interinu PLP, Abrão Freitas "Mate Restu".

Entretantu, ba Partidu Frente Revolucionária Timor-Leste Independente (FRETILIN) nakloke nafatin ba diálogu no rejeita eleisaun antesipada (EA) ba dala rua.

"Ha'u-nia esperansa lakohi atu iha eleisaun antesipada," dehan Sekretáriu Jerál FRETILIN, Mari Alkatiri.

FRETILIN la konkorda ho eleisaun antesipada tanba mandatu Prezidente Repúblika nian iha períodu ida halo kedas eleisaun antesipada dala rua no povu mós kole ona ho eleisaun.

Nune'e, Partidu Demokrátiku (PD) seidauk iha kontaktu formál ho partidu polítiku balun, maibé loke dalan nafatin ba koligasaun hodi serve Povu no Estadu no konsidera eleisaun antesipada nu'udar alternativa ikus.

Hanesan mós moto PD nian katak "Laiha Rezerva Ba Rai Timor". Tanba ne'e, loke-aan ba diálogu ho partidu polítiku hotu-hotu hodi buka dalan solusiona impase polítika iha rai laran.

Pozisaun husi Partidu Unidade Dezenvolvimentu Demokrátiku (PUDD) sujere diálogu ba Prezidente Repúblika, Francisco Guterres Lú Olo, nu'udar dalan úniku ba hakotu impase polítika.

"Diálogu ne'e ba ami bankada PUDD, iha Parlamentu Nasionál sempre hakilar hanesan ona Pai Nosso de Cada Dia, ami temi beibeik" dehan Prezidente PUDD,  António Benevides. 

PUDD mos sujere atu diálogu ne'e kontinua la'o no sempre prontu simu kualkér desizaun husi Prezidente Repúblika, Francisco Guterres Lú Olo. (*)

Rate this item
(1 Vote)
Last modified on Wednesday, 29 January 2020 14:28
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter