Maski nune'e, haree husi pontu-de-vista juridiku, Taur Matan Ruak iha legalidade nafatin hodi asume kargu Xefe Governu.
"Agora dadaun ne'e sua esélensia primeiru ministru maka maun boot Taur Matan Ruak, juridikamente nafatin," dehan Porta-vós Jurista Timoroan, Pe. Julio Chrispin, iha Palásiu Prezidensiál, Bairru-Pité, Kinta (30/1).
Hataan ba posibilidade Taur Matan Ruak mantein primeiru ministru, Pe.Julio hateten, depende ba solusaun ne'ebé dadaun ne'e Prezidente Repúblika foti.
Entertantu, hafoin OJE 2020 xumba no Primeiru Ministru, Taur Matan Ruak, deklara AMP laiha ona, nune'e obriga Prezidente Repúblika, Francisco Guterres Lu Olo, atu hakotu impase polítika. (*)