Login to your account

Username *
Password *
Remember Me

Jurista ba PR Lú Olo: La Presiza Eleisaun Antesipada

Prezidente Republika, Dr. francisco Guterres Lu Olo enkontru ho Jurista Timoroan tuur husi liman karuk, hahu husi  Dr. Dr. Jose Texeira, Dr. Manuel Tilman, Dr. Pe. Julio Crispin, Dr. Avelino Coelho ho Dr. Jose Guterres, iha palasiu Prezidensial, (30/01) Prezidente Republika, Dr. francisco Guterres Lu Olo enkontru ho Jurista Timoroan tuur husi liman karuk, hahu husi Dr. Dr. Jose Texeira, Dr. Manuel Tilman, Dr. Pe. Julio Crispin, Dr. Avelino Coelho ho Dr. Jose Guterres, iha palasiu Prezidensial, (30/01) Foto Midia PR

Tempotimor (Dili) - Liuhusi konsultasaun ho Prezidente Repúblika, Francisco Guterres Lú Olo, jurista timoroan sira konfesa katak, situasaun agora la presiza eleisaun antesipada.

Jurista timoroan, Pe. Júlio Crispim hateten, solusaun ne’ebé Prezidente Repúblika hili hodi hala’o eleisaun antesipada iha 2017 la hanesan ho situasaun polítika agora.

Iha VII Governu Konstitusionál, Programa Governu no Orsamentu Retifikativu la passa iha Parlamentu Nasionál.

Maibe, ba situasaun polítika atuál, Programa VIII Governu Konstitusionál no Orsamentu Jerál Estadu ba 2018 no 2019 pasa iha Parlamentu Nasionál. Orsamentu Jerál Estadu ba 2020 mak la pasa. 

Tanba ne'e, faktu jurídiku ne’ebé nasaun hasoru mak laiha Orsamentu Jerál Estadu.  Tanba ne’e, forsa polítika sira no orgaun soberania buka dalan atu hetan solusaun jurídika ba asuntu ne'e.

Ne'e duni, Pe. Júlio dehan, jurista sira haree solusaun ba situasaun polítika atuál tenke ho baze Konstituisaun. Iha solusoins oioin ne’ebé Konstituisaun fó hodi hetan solusaun polítika.

Solusaun tenke bazeia ba Konstituisaun. Husi parte jurídiku nian, iha dalan rua atu buka solusaun: uza konstituisaun hodi rezolve polítika ou uza polítika hodi fó solusaun maibé tenke bazeia ba Konstituisaun. Konjugasaun husi rua ne’e bele fó solusaun ba situasaun polítika atuál.

Grupu jurista ne’ebé halo dialogu ho Xefe Estadu kompostu husi José Guterres, Avelino Coelho, Pe. Júlio Crispim, Manuel Tilman no José Texeira.

Entretantu, tuir kalendariu, aban, (Sesta 31/1), Prezidente Repúblika sei hala’o diálogu Bispu sira husi Igreja Katolika no konfisoin relijioza husi Igreja Protestante, Musulmana, Budhista no Hindu.

Prezidente Repúblika hahú ronda diálogu iha 23 janeiru-4 fevereiru 2020 hodi rona solusoins konkretas husi dirijentes partidu polítiku, juristas, konfisoins relijiozas, veteranus, setór privadu, lider nasionál rezisténsia no Konsellu Estadu.

Hafoin Orsamentu Jerál Estadu ba 2020 xumba iha Parlamentu Nasionál,  lider partidu polítiku iha Parlamentu Nasionál no Primeiru Ministru entrega  situasaun polítika ba Prezidente Repúblika atu buka solusaun.

Tanba ne’e, Prezidente Repúblika uza artigu 74 husi Konstituisaun hodi rona entidade hotu-hotu ninian hanoin hodi buka solusoins nu’udar dalan ba hetan konsensu atu hametin unidade nasionál no funsionamentu normál instituisaun Estadu.

Rate this item
(0 votes)
Last modified on Thursday, 30 January 2020 23:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter