Deputadu PLP Apoiu Ko'a Osan $30 Kada Fulan ba Futuru Veteranu

Plenaria Parlamentu Nasional Timor Leste Plenaria Parlamentu Nasional Timor Leste Foto arkivu

Tempotimor (Dili) - Relasiona ho polítika governu nian atu ko'a veteranu osan sira nian $30 kada fulan, hetan apoia husi Deputadu Bankada Partidu Libertasaun Populár (PLP).

"Governu atu ko'a veteranus nia-osan $ 30 ne'e diak, tanba veteranu tenke investe ba sira-nia futuru", dehan Vasconcelos, iha Uma Fukun PN, Sesta (31/1).

Tuir deputadu ne'e, maioria veteranu sira simu osan subsídiu kadavés osan estraga de'it, tanba ne'e polítika governu ne'e di'ak hodi bele investe.

Nia akresenta, meui ida ko'a osan ne'e ba diak nian, tanba atu investe ba futuru oan no bei-oan sira nian, duke osan simu mai estraga de'it.

"Veteranu tenke organiza-aan no liuliu Konsellu Veteranu organiza didi'ak no formaliza sira-nia organizasaun no hadi'a estatutu sira. Ha'u hanoin sira tenke rai osan", tenik nia. 

Nia esplika, ko'a veteranu nia-osan la'ós atu ba taxa, maibé ne'e hanesan depózitu no ba seguransa sosiál iha futuru.

Rate this item
(0 votes)
Last modified on Friday, 31 January 2020 18:56
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com