Porta-vós konviksaun Relojioza Timor-Leste, Pastor Francisco dos Reis, husu atu lider sira tuur hamutuk atu halo diagnosa ba problema hodi halakon vigansa ba malu, nune'e iha pás hodi hadi'a povu nia-moris.
"Ami harohan Na'i Maromak nia pás no grasa hamutuk ho na'i ulun sira para fó solusaun ba Timor nia moris di'ak," dehan Prezidente Igreja Evanjélika Asembleia de Deus, iha Palásiu Prezidensiál, Bairru-Pité, Sesta (31/1).
Tuir Pastor Francisco, impase polítika ne'e implika ba krize institusionál grave ona tanba lider sira laiha unidade.
Maski nunee, nia dehan, karik iha eleisaun antesipada, ne'e última rekursu. Tanba ne'e, Konviksaun Relijoza rasik nafatin fó konfiansa ba Prezidente Repúblika, Francisco Guterres Lú Olo, uza kompeténsia tomak atu foti desizasaun bazeia ba konstituisaun.
Entertantu, Prezidente Repúblika, Francisco Guterres Lú Olo, iha Sesta (31/1), kontinua halo diálogu ho Konviksaun Relijioza iha Timor-Leste hodi buka solusaun ba impase polítika ne'ebé la'o iha nasaun ne'e. (*)