Relasiona ho preokupasaun deputadu sira kona-ba inundasaun iha kapital Dili, Ministru Obras Públika Salvador Pires hatete, governu tau ona iha planu atu prevee inundasaun, maibé problema mak osan laiha.
"Iha tinan-tinan sempre tau iha planu no tinan 2020 mós ami tau maibé infelismente orsamentu laiha, ne'e ita curhat ba malu," dehan Salvadór iha Parlamentu Nasionál, Tersa (04/02).
Nia afirma, MOP iha ona planu no dezeñu atu prevene foer no rai iha foho loloon tuun mai sidade Dili, maibé planu defisil atu realiza tanba problema orsamentu.
Tuir planu ne'ebé iha, nia afirma, MOP sei aloka orsamentu millaun $321 hodi rezolve problema inundasaun.
"Maibé ne'e la fasil atu implementa enkuantu orsamentu laiha.".