Impase polítika ne'ebé la'o dentru tinan naruk, la afeta ba pás no estabilidade iha rai laran. Povu rasik nafatin hakmatek no halo atividade hanesan baibain.
"Ha'u agradese tanba faktu ita-nia rai kontinua iha pás no estabilidade biar iha problema (polítika) beibeik," dehan Primeiru Ministru, Taur Matan Ruak,iha Palásiu Prezidensiál, Bairru-Pité, Kinta (6/2).
Entertantu, hafoin OJE 2020 xumba iha Parlamentu Nasionál, jeralmente situasaun iha Timor-Leste la'o hakmatek no povu nafatin mantein pás no estabilidade mezmu situasaun polítika manas entre partidu polítiku sira.
Antes ne'e, mós Xefe Estadu Maior F-FDTL, Majór Jenerál Lere Anan Timur, apela ba públiku katak, FALINTIL-FDTLno PNTL prontu fakar raan kuandu iha pesoál ka grupu ne'ebé ameasa estabilidade soberania Timor-Leste. (*)