"Dalaruam sosiedade sivíl hala'o nia servisu papél ida krítiku no auto-krítika balu hatete fali sosiedade sivíl ne'eba la (puru) murni, maibé opiniaun ne'ebé interese", dehan nia, iha Tower Fatuhada, Sesta (7/2).

Nune'e, sosiedade sivíl kontinua konvoka diskusaun para bele sensibiliza públiku, kona-ba papél sosiedade nian ne'ebé konsagra iha konstituisaun artigu 40 kona-ba direitu espresaun.

"Ema krítika sosiedade sivíl iha média sosiál, ha'u konsidera hanesan la importante para halo diskusaun", tenik nia.

Agora iha tempu liberdade ba hotu-hotu atu espresa. Tanba ne'e, laiha ema ida fó fali presaun ba sosiedade sivíl para labele krítiku.

Daniel sujere ba entidade hotu-hotu presiza komprende sosiedade nia-papél no servisu, atu nune'e ba futuru nafatin garante ba liberdade espresaun. (*)