Print this page

Deklara AMP La Eziste, Xanana Fó Oportunidade Partidu Seluk Ukun

By February 09, 2020 4719
Prezidente CNRT ne'ebe mos hanesan Prezidente AMP, Kay Rala Xanana Gusmao (Klaran), Prezidente PLP no Porta Voz AMP, Taur Matan Ruak (karuk) no Konselleiru Maximu KHUNTO no Konselleiru AMP, Jose Naimori Bukar (lo'os) ka'er liman iha Singapora iha 2017. Prezidente CNRT ne'ebe mos hanesan Prezidente AMP, Kay Rala Xanana Gusmao (Klaran), Prezidente PLP no Porta Voz AMP, Taur Matan Ruak (karuk) no Konselleiru Maximu KHUNTO no Konselleiru AMP, Jose Naimori Bukar (lo'os) ka'er liman iha Singapora iha 2017. Foto Suplai

Tempotimor (Dili) - Prezidente Partidu Congresso Nacional Reconstrução Timor-Leste (CNRT), Kay Rala Xanana Gusmão deklara, partidu bloku koligasaun Aliansa Mudansa ba Progresu (AMP) ne'ebé forma VIII Governu Konstitusionál la eziste ona.

Ne'e duni, Xanana sujere ba partidu polítiku sira seluk atu bele buka malu hodi forma governu foun.

"AMP mós la eziste ona. Tanba ne'e, menus CNRT, partidu sira seluk tenke buka malu ona", dehan nia, iha GMN-TV, Sábadu (8/2).

Prezidente partidu CNRT ne'e afirma, ho situasaun polítika ne'ebe agora sai problema boot ba nasaun Timor-Leste, CNRT fó dalan ba partidu seluk atu bele buka malu hamutuk hodi forma governu foun.

Entertantu, partidu CNRT promete sei la envolve tan iha governu foun tuir mai, ne'ebé atu forma husi kualkér partidu ne'ebé de'it.

Rate this item
(3 votes)
Last modified on Sunday, 09 February 2020 00:31
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items