"Ami koalia hamutuk fó ba partidu politiku sira atu komesa la'o para bele koalia ba malu hodi dezeña took sa solusaun di'ak ba ita-nia rai, enkuantu ida ne'e Prezidente Repúblika fó apoiu nafatin," dehan Prezidenti Repúblika, Francisco Guterres Lú Olo, iha Palásiu Prezidensiál, Bairru-Pité, Segunda (10/2).
Solusaun ba impase polítika mosu senáriu balun, alende eleisaun antesipada, alternativu seluk maka hamosu koligasaun foun iha parlamentár ho mantein VIII Governu Konstitusionál ho Primeiru Ministru, Taur Matan Ruak.
Entertantu, senáriu ne'e akontese bainhira vontade partidu polítiku sira iha asentu parlamentár hamosu konsertasaun polítika liuhusi diálogu.
Entertantu enkontru entre lider nasionál sira kompostu husi Eis-Prezidente Repúblika, José Ramos Horta, Eis-Primeiru Ministru, Mari Alkatiri, atuál Primeiru Ministru, Taur Matan Ruak, Xefe Estadu Maiór Jenerál FALINTIL-FDTL, Majór Jenerál Lere Anan Timur no veteranu Roque Rodrigues. (*)