Tanba, akademista ne'e konsidera PR Lu Olo la foti desizaun hanesan iha 2017 bainhira governu ne'ebé forma husi partidu FRETILIN no PD monu.
Tuir akademista ne'e, iha altura ne'ebá, PR Lu Olo deside hodi dekreta Eleisaun Antesipada.
"Se desizaun politika prezidente republika tenke haree didi'ak, tanba akontese elisaun antisipada primeiru, prezidente (repúblika) la konvida partidu segundu mais votadu ou fó ba partidu seluk par depois forma governu foun kuandu setimu governu monu", dehan akademista ÚNPAZ Adolmando Amaral via telefone, Tersa (11/02).
Nia hatete, bainhira PR Lu Olo mantein hodi kontinua desizaun politika, signifika PR Lu Olo tenke tuir konstituisaun hodi dekreta EA.
"Nia (PR Lu Olo) haruka forma governu foun sein dezolve parlamentu, la liu husi eleisaun antesipada, ne'e prezidente falla tiha ona, setimu governu monu prezidente la halo ida ne'e, nusa mak mai oitavu governu hakarak halo fali ida ne'e?, ne'e prezidente iha risku," dehan nia.
Tuir nia, PR Lu Olo tenke tetu didi'ak hodi foti desizaun ne'ebé ideal ba situasaun atual nune'e bele fó solusaun ne'ebé di'ak.
Akademista ne'e sujere atu PR Lu Olo hein to'o loron 60 hanfoin governu aprezenta relatoriu orsamentu duadesimu PR dezolve Parlamentu Nasionál no dekreta eleisaun antesipada.
"Dalan ne'ebé ideal tuir konstitusional mak elisaun antesipada," dehan Adolmando.