Login to your account

Username *
Password *
Remember Me

Lere Husu Papol Halo Koligasaun Foun

Major Jeneral F-FDTL, Lere Anan Timur ko'alia ba Midia iha Palasiu Prezidensial Major Jeneral F-FDTL, Lere Anan Timur ko'alia ba Midia iha Palasiu Prezidensial Foto arkivu

Tempotimor (Dili) - Xefe Estadu Maiór Jenerál FALINTIL-FDTL husu ba partidu polítika sira atu halakon ambisaun, nune'e hahú buka-malu forma koligasaun hodi hakotu impase polítika ne'ebé akontese.

Lere husu atu partidu polítiku sira tenke atu halo movimento buka-malu atu forma koligasaun foun ho modelu governu di'ak.

"Partidu politiku mak tenke movimentu, buka-malu forma governu oinsá. Halakon arrogansia sira-ne'e. Halakon ambisaun sira para lori prosesu dezenvolvementu ba povu," dehan Xefe Estadu Maiór Jenerál FALINTIL-FDTL, Majór Jenerál Lere Anan Timur, iha Palásiu Prezidensiál, Bairru-Pité, Kuarta (12/2).

Nia hatutan, Timor rai ki’ik, presiza estabilidade polítika no nasionál, tanba iha akordu SOFA ne'ebé eis-Prezidente Repúblika, José Ramos Horta asina, loke dalan ba ema estranjeiru iha direitu lori tama arma hanesan kilat mai Timor.

Lere fó ezemplu, kontetor sira tama iha Timor labele pasa revista. Nune’e, labele hatene saída mak iha laran, kilat ka buat seluk.

"Ita ta’uk mak Estadu falladu, akordu SOFA ne'ebé uluk tempu Prezidente irmão Ramos Horta asina ne'e seidauk muda. Estranjeiru kuandu tama iha ne’e tuir sira-nia hakarak," dehan nia.

Entertantu, soru-mutu entre lider nasionál hamosu ona opsaun atu partidu polítiku sira iha asentu parlamentár atu buka malu halo diálogu, nune'e garante estabilidade governativa iha Parlamentu Nasionál.(*) 

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter