Tuir nia, atu ne'ebé Xefe Estadu halo, liu fali Tribunál, hodi lakohi aprova pose ba membru governu sira tanba konsidera iha kazu krime.
"Prezidente Repúblika labele liu fali Tribunál. Ne'e mak ha'u-nia prekoupasaun," dehan Horta ba www.tempotimor.com, iha knaar fatin, Faról, Segunda (17/2).
Tuir nia, Prezidente Repúblika nia-asaun veta membru na'in 9 mak hamosu impase. Nune'e, husu atu kolabora hodi tetu no tau ba konsiderasaun ezijénsia ne'ebé hato'o husi CNRT.
"Prezidente mós tenke sukat nia-desizasaun, ita to'o iha krize ida ne'e la'ós mai husi FRETILIN, la'ós PLP no la'ós mai husi CNRT. Krize ne'e nia-hún enkuantu Prezidente (Repúblika) la fó pose ba elementu CNRT no KHUNTO," dehan Horta.
Nia hatutan, bainhira Prezidente Repúblika iha evidénsia forte, entaun presiza ko'alia didi'ak ho Primeiru Ministru, hatudu informasaun maibé tenke ho faktu.
Entertantu, hafoin VIII Governu hahú forma no membru Guvernu nain sia mak seidauk simu pose husi Prezidente Repúblika, tanba deskonfia iha kazu balun. Husi na'in 9 ne'e, na'in 7 husi CNRT no 2 seluk husi KHUNTO. (*)