Komisariu KAK, Sérgio Hornai hato'o lia hirak ne'e ba jornalista sira hafoin soru-mutu ho Prezidente Repúblika, Francisco Guterres Lú Olo, iha Palásiu Prezidensial, Bairru-Pité, Tersa (18/2).
"Iha fulan ida ne'e ita rejista purvola 19 kazu," dehan nia.
Sérgio mos esplika, kazu sira ne'e KAK entrega ona ba Ministeriu Publiku no daudaun ne'e hela 19 kazu maka KAK rasik sei prosesa.
"Ita halo ona remeta ba iha Ministériu Publiku tuir kuartu prosesu no sei iha 19 kazu nia Prosesu lao hela," tenik nia.
Entertantu, KAK halao soru-mutu ho Prezidente Repúblika, Francisco Guterres Lú Olo, relasiona ho selebrasaun aniversáriu KAK nian ne'ebé tuir planu sei konvida Prezidente Repúblika atu partisipa. (*)