Selebrasaun Loron Veteranu "Re-Lembra Pasadu, Re-afirma Prezente no Projeta Futuru

Sekretariu Estadu Asuntu Veteranus, Gill Oan Soru hamutuk ho ekipa sorumutuk ho Prezidente da republika, Dr. Francisco guterres Lu Olo iha Palsiu Prezidensial (18/2) Sekretariu Estadu Asuntu Veteranus, Gill Oan Soru hamutuk ho ekipa sorumutuk ho Prezidente da republika, Dr. Francisco guterres Lu Olo iha Palsiu Prezidensial (18/2) Foto Midia PR

Tempotimor (Dili) - Sekretáriu Estadu no Ministru interinu Antigu Kombatente Libertasaun Nasionál hatete, selebrasaun Loron Veteranu ne'ebé monu iha 3 Marsu, atu re-lembra pasadu, reafirma prezente hodi projeta ba futuru.

"Atu haree ba ita-nia memória 74 mai to'o 99 hodi re-lembra ita-nia pasadu re-afirma ita-nia prezente no projeta ita-nia futuru," dehan Gil da Costa "Oan Soru", iha Palásiu Prezidensiál, Bairru-Pité, Tersa (18/2).

Nia hatutan, bainhira la lembra pasadu maka sei la hatene iha ne'ebé no bainhira mak atu ba. Tan ne'e, loron veteranu komisaun hili tema ne'e atu kobre hahú husi 1974-1975 no kobertura to'o mai 1999.

Sekretáriu Estadu ne'e hatete, osan ne'ebé uza ba selebrasaun loron veteranu nian sei uza orsamentu duadesimu, maibé seidauk pronúnsia osan ba selebrasaun aniversáriu veteranu nian.

Entertantu, Ministru interinu Antigu Kombatente Libertasaun Nasionál, Gil da Costa hamutuk ho Prezidente Komisaun Organizadora, Virgílio Smith, Prezidente Konsellu Veteranu, Vidal de Jesus "Riak Leman" no Konselleru Eventu, David Dias Mandati ho objetivu konvida diretamente Prezidente Repúblika, Francisco Guterres Lú Olo, aumezmu tempu husu opiniaun relasiona ho selebrasaun aniversáriu loron Veteranu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.