Print this page

PLP Laiha Interese Ba CNRT

By February 19, 2020 8943
Vise Prezidente CPN PLP, Francisco Vasconcelhos ko'alia ba midia iha sede PD hafoin hasoru malu ho Sekjer PD, Antonio Coneceicao ho ekipa (19/2) Vise Prezidente CPN PLP, Francisco Vasconcelhos ko'alia ba midia iha sede PD hafoin hasoru malu ho Sekjer PD, Antonio Coneceicao ho ekipa (19/2) Foto Suplai

Tempotimor (Dili) - Partidu Libertasaun Populár (PLP) laiha ona interese atu hasoru Partidu Congresso Nacional Reconstrução Timor-Leste CNRT hodi buka solusaun ba impase atuál.

Vise-Prezidente Konsellu Politika Nasionál (CPN) PLP, Francisco Vasconcelos hatete, laiha intensaun hasoru CNRT hodi buka solusaun, tanba impase ne'e hún husi CNRT.

"Ho CNRT lae. Tanba horibainhira ami hamutuk koligasaun so'e hela tiha ami. Sira vota kontra Orsamentu Jerál Estadu. Ami laiha intensaun ho CNRT", dehan nia,  hafoin sorumutuk ho Partidu Demokrátiku (PD), iha Sede PD Kolmera, Kuarta (19/2).

Tuir nia, hamutuk ho CNRT situasaun hotu-hotu sira enfrenta hahú husi aliansa mudansa ba progresu no aliansa maioria parlamentár maibe ikus mai baku fila.

Tuir Francisco, dalan ideál liu mak vontade hodi loke komunikasaun ba kada partidu para bele hatene sé mak vontade atu forma fali governu ida hodi garante ba boa governasaun.

"Labele kada tinan halimar hela de'it jogu polítika", dehan nia.

Nia hatutan, "ita iha planu estratéjiku dezenvolvimentu nasionál, ita atu hasai povu husi ki'ak ho mukit, la'ós jogu kontra jogu, hatun ida hasai ida. Ne'e la'ós preferensia ba PLP", tenik Vasconcelos.

Nune'e, enkontru PLP ho PD, iha pasu tuir mai oinsa bele kria konfiansa ida para bele forma konfigurasaun foun ida hodi fo garantia ba sidadaun.

"Konfiansa katak, forma koligasaun foun Ida", tenik Nia.

Nia esplika, liuhusi komunikasaun sira hanesan atu viabiliza sé mak iha vontade atu lori rai ne'e ba oin. (*)

Rate this item
(3 votes)
Last modified on Wednesday, 19 February 2020 17:20
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items