Governu Aprova Rezolusaun Reativa Arte-Marsiál

Reuniaun Konsellu Ministru iha palasiu do Governu (19/2) Reuniaun Konsellu Ministru iha palasiu do Governu (19/2) Foto Midia PM

Tempotimor (Dili) - Governu liuhusi reuniaun Konsellu Ministru (KM) aprova ona rezolusaun ida atu reativa fila-fali arte-marsiál sira ne'ebe durante ne'e bandu atu halo atividade.


Antes ne'e publiku, Lideransa Forcas Armadas ninian sempre hato'o preokupasaun atu Governu legaliza atividade arte-marsiais ninia nune'e Ministru Reforma Lejizlativu Asuntu Parlamentár (MRLAP), Fidelis Leite Magalhães hatete, rezolusaun ne'e autoriza grupu arte-marsiál sira bele prátika, maibé tenke tuir lei.

"Signifika, grupu arte-marsiál sira bele prátika mas tenke prátika tuir lei, tanba rezolusaun ida antes ne'e mak bandu labele prátika. Agora rezolusaun dehan prátika maibé tenke tuir loloos lei," dehan nia, iha Palásiu Governu, Kuarta (19/2).

Nia afirma, lei númeru 5/2017 ko'alia klaru kona-ba arma branka no prátika arte-marsiál.

Iha fatin ketak, Deputadu Bankada FRETILIN, Joaquim do Santos 'Borluli' hatete, governu hasai rezolusaun atu reativa fali arte-marsiál ne'e di'ak ba joven sira ne'ebe tendensia ba arte-marsiál.

"Buat ne'ebe uluk ita halo sala ona labele hela permanente, tenke korrije, tanba buat ne'e relasiona ho joven sira-nia direitu no devér purke ne'e protejidu pur lei", dehan Joaquim.

Deputadu ne'e relata, rezolusaun uluk no agora kontestu la hanesan. Tanba ne'e, governu tenke kontrola makaas para bele garante ba sidadaun joven sira-nia direitu ne'ebe protejidu tuir lei. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com