Login to your account

Username *
Password *
Remember Me

Ukun Nai'n Hada'u Malu Podér, Povu Manatutu Sai Vítima

Estrada liga entre Laklo ho Manatutu (20/2) Estrada liga entre Laklo ho Manatutu (20/2) Foto Suplai
 
Tempotimor (Manatutu) - Komunidade postu administrativu Lacló, munísipiu Manatutu, dezde ukun aan to'o agora nafatin preukupa ho kondisaun estrada ligasaun Lacló-Manatutu ne'ebe ho kondisaun grave liu iha tempu udan. 
 
Situasaun ne'e akontese dezde tempu ukun aan too agora maibé nunka iha reaabilitasaun ba estrada ne'e.

Komunidade Suku Lakumesak, postu administrativu Lacló, Saturnino Rodrigués Pereira, preokupa ho kondisaun estrada Lacló nian sempre difikulta sira-nia atividade iha tempu udan monu rai halo mota tun hodi sobu estrada.

"Boot sira hada'u malu kadeira, ami iha ne'e atu lori de'it ami nia produtu lokál sira ba fa'an iha merkadu munísipiu mos la di'ak, tanba estrada iha ne'e aat. Kuandu akontese udan mak halo mota tuun, ami labele la'o ba Manatutu no Dili", dehan nia, iha sede suku Lakumesak, Kinta (20/2).

Saturnino esplika, dalaruma estrada ligasaun ba Munisípiu Manatutu mak aat, konserteza tenke liuhusi fali dalan alternativa seluk iha suku Mantelolaun Wekiar ba sai iha postu Metinaru hodi liubá Díli.

Iha fatin hanesan, abitante Suku Umanaruk, Domingos de Carvalho, hatete, bainhira udan, bee tun halo estrada kotu no inklui halo karreta ho motor paradu totalmente dalaruma bele to'o semana ida.

"Ami iha nee atu ba deit Manatutu ida besik oan mós la diak, mota tun, estrada mesak nakonu ho fatuk ruin", dehan nia.

Ho situasaun ne'e, komunidade sira husu ba governu, liuliu Minístériu Obras Públika atu haree tau ona iha ajenda hodi hahú planu asaun ba rehabilitasaun estrada ligasaun ba postu adminístrativu Lacló nian.

Entretantu, oras ne'e dadaun komunidade postu adminístrativu Laclo kompostu husi Suku lima hanesan, Lakumesak, Uma'naruk, Hohorai, Uma-kaduak no Laikore populasaun barak mak moris ho agrikultura.
Rate this item
(0 votes)
Last modified on Thursday, 20 February 2020 13:32
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter