Sekjer PD: Povu mak Fó Fiar Harii Koligasaun Foun

Sekretariu Jeral Partidu Demokratiku, Antonio da Conceicao Kalohan Sekretariu Jeral Partidu Demokratiku, Antonio da Conceicao Kalohan Foto suplai

Tempotimor (Dili)-Partidu Politiku neen (6) halai hamutuk hodi forma koligasaun foun. Tuir Sekretariu Jeral (Sekjer) Partidu Demokratiku (PD), Antonio da Conceicao "Kalohan", koligasaun ne'e mosu tanba hetan fiar husi povu Timor Leste.

Koligasaun ne'ebé kompostu husi CNRT, PD, KHUNTO, PUDD, UDT/FM ne'e asina ona akta ba formasaun governu dasia.

"Povu fiar ba ami hamutuk iha ona koligasaun ida," dehan Kalohan iha sede nasional PD Kolmera, Dili, Sabadu (22/02).

Ho koligasaun foun ne'e, Kalohan dehan, eleisaun antesipada sei la akotese ona.

"Eleisaun antesipada sei laiha tan. Ita la'o lai ba hodi kompleta governasaun ne'ebé imi (povu) fó fiar tiha ona imi-nia votus ba," deklara Sekjer PD ne'e.

Kalohan hatete, Parlamentu Nasionál mak sei garante estabilidade governativa, tan ne'e ho garantia 34 kadeira governu ne'ebé sei mai sei garantidu.

"Atu garante ba estabilidade governativa ne'e iha parlamentu (nasionál) mak deside, entaun kuandu iha ona 34 votus signifika katak iha ona maioria," nia dehan.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Anunsiu

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com