Login to your account

Username *
Password *
Remember Me

Horta: PM Taur sei Kontinua Servisu

Eis Prezidente da republika, Dr. Jose Ramos Horta ko'alia ba midia iha sede CNRT Bairu dos Grilhos hafoin partisipa partidu sira asina akordu koligasaun foun iha sabadu semana kotuk Eis Prezidente da republika, Dr. Jose Ramos Horta ko'alia ba midia iha sede CNRT Bairu dos Grilhos hafoin partisipa partidu sira asina akordu koligasaun foun iha sabadu semana kotuk Foto file

Tempotimor (Dili) - Eis-Prezidente Repúblika, José Ramos Horta hatete, maski Primeiru Ministru, Taur Matan Ruak, submete ona karta demisaun ba Prezidente Repúblika, Fransisco Guteres Lu-Olo, maibé nafatin hala'o servisu to'o membru governu foun hetan pose.


"Iha governu ida Primeiru Ministru kontinua iha funsaun to'o governu foun tomada-de-pose", dehan nia, iha edifísiu Ministériu Solidariedade Sosiál Inkluzaun (MSSI), Kaikoli, Tersa (25/2).

Laureadu Nobel Pás ne'e afirma, Primeiru Ministru hatama ona demisaun maibe nafatin funsiona, tanba dalan normál tuir Konstituisaun RDTL.

Nune'e, agora hein de'it desizaun husi partidu polítiku neen (6) ne'ebe forma ona koligasaun atu aprezenta lista governu foun nian, hafoin haree desizaun saida mak sei mosu mai.

Antes ne'e, Primeiru Ministru, Taur Matan Ruak, hatama karta ona demisaun no daudaun ne'e hein deit Prezidente Repúblika atu dekreta.

"Ha'u hatama karta ida, manifesta ba ha'u-nia demisaun," dehan PM Taur, iha Palásiu Prezidensiál, Bairru-Pité,Tersa (25/2).

Eis-Jeneral akresenta liután, karta demisaun ne'ebé hatama validu bainhira Prezidente Repúblika dekreta tuir Konstituisaun.

"Pedidu demisaun ne'e validu kuandu Prezidente dekreta ona, enkuantu seidauk ha'u kontinua nu'udar Primeiru Ministru,"  Taur akresenta.

Antes ne'e mós, Prezidente Repúblika, Francisco Guterres Lú Olo hatete, Taur Matan Ruak kontinua asume kargu Primeiru Ministru tanba VIII Governu nafatin iha plena funsaun normál, no Governu ida laiha bainhira Primeiru Ministru hatama karta demisaun tuir Konstituisaun RDTL 112. (*)

Rate this item
(0 votes)
Last modified on Tuesday, 25 February 2020 14:07
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter