"Laiha ema ida mehi atu sai Primeiru Ministru. Ha'u ko'alia ho maun Xanana dala sanolu ona. Nia (Xanana) nem temi ha'u atu sai hanesan ninia asesór mós la temi. Ha'u mós la preokupa ho ida ne'e", dehan Horta, iha edifísiu MSSI, Kaikoli, Tersa (25/2).
Eis-Prezidente Republika ne'e dehan, iha konxiénsia no kompromisu atu ajuda nafatin governu atuál, tanba nu'udar sidadaun buka ajuda mós governu.
"Maun boot Taur Matan Ruak sempre bolu ha'u, trata ho respeitu no amizade. Nia iha Primeiru Ministru ami hasoru-malu dala barak buka ajuda VIII Governu", tenik Horta.
Nune'e, kuandu iha governu foun tuir mai husu ajuda hanesan pesoál informál, iha devér morál polítika para ajuda iha kualkér situasaun hodi tane governu to'o tinan rua ne'e remata.
Entertantu, Partidu CNRT hamutuk ho partidu lima seluk hanesan, PD, KHUNTO, PUDD, FM/UDT hamutuk 34 kadeira asina ona ata koligasaun ne'ebé realiza iha Sede CNRT, Bairru dos Grillos, Sábadu (22/2). Maski nune'e, seidauk indika ema ruma nu'udar Primeiru Ministru hodi troka Taur Matan Ruak. (*)
Eis Prezidente da republika, Dr. Jose Ramos Horta
Foto facebook Dr. Jose Ramos Horta
Tempotimor (Dili) - Laureadu Nobel Pás, José Ramos Horta, laiha mehi atu troka Taur Matan Ruak hodi asume pasta Primeiru Ministru, tanba soru-mutu dala barak ho Xanana Gusmão, maibé la sita kona-ba asuntu ne'e.
Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.com
