Taur "Out", Xanana "In"

Padre Martinho G. da Silva Gusmao Padre Martinho G. da Silva Gusmao Foto Suplai

Tempotimor (Dili)-Primeiru Ministru Taur Matan Ruak hato'o ona ninia karta demisaun ba Prezidente Repúblika Francisco Guterres Lu Olo, ho nune'e, tuir observadór politika Martinho Gusmão, tempu ba Kay Rala Xanana Gusmão atu sai fali Primeiru Ministru.

Amu Lulik ne'e hatete, Xanana iha direitu atu asume kargu PM iha governu foun ne'ebé mai tanba aleinde nia nu'udar Prezidente partidu CNRT, nia mós nu'udar xave ba solusaun.

"Se Taur Matan Ruak rezigna aan ona, Xanana mós disponivel foti solusaun purke nia mós save ba solusaun i depois nia mós prezidente partidu CNRT iha direitu atu ba primeiru ministru," dehan Amu Martinho hafoin partisipa serimonia ida iha edifisiu MSSI Kaikoli, Dili, Tersa (25/02).

Ba membru governu foun ne'ebé CNRT ho nia aliadu sei aprezenta ba PR Lu Olo, tuir Amu Lulik ne'e, presiza defini didi'ak sira na'in sia (9) ne'e parte husi problema ka solusaun ba problema.

Se sira na'in sia parte husi problema, tuir Martinho, di'ak liu lalika aprezenta tan sira-nia naran ba PR Lu Olo iha lista membru governu ba governasaun foun.

"Nasaun ne'e ukun rasik aan, tanba de'it sira na'in 9 mós ladun loos," katak nia.

Molok ne'e, liu husi intervista iha televizaun GMN ho fiar aan Xanana halo promesa ba públiku katak maske CNRT forma governu ho partidu ne'ebé de'it, maibé CNRT nia ema sei la hetan pose husi Prezidente Repúblika.

"CNRT hatene katak atu forma Governu foun karik ho see-see de’it nia ema sira sei labele fó pose, labele! tanba ne’e mak CNRT iha serteza absoluta ida ne’e,  nia ema sira labele toma pose. Ne’e mak CNRT labele halimar fali katak ohin temi halo diálogu, halo diálogu, ba halimar fali diálogu. Atu  governu foun ho Partidu saida de’it”, dehan Xanana.

Rate this item
(2 votes)
Last modified on Wednesday, 26 February 2020 08:28
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com