Diretor Jerál STAE, Edgar Sequeira Martins hatete, eleisaun antesipada hanesan rekursu ikus, maibé karik akontese STAE prontu no preparadu para bele hala'o serbisu.
"Primeiru Ministru ohin bolu STAE mai atu informa saida mak halo ona no presiza preparasaun saida tan para bele kompleta karik eleisaun", dehan nia, iha Palásiu Governu, Tersa (25/2).
STAE mós atualiza ba Primeiru Ministru serbisu ne'ebe hala'o ona no kondisaun saida mak STAE presiza atu organiza eleisaun karik akontese duni.
"Ohin Primeiru Ministru dehan, eleisaun bele akontese ka la akontese, maibé nu'udar orgaun eleitorál prepara karik akontese", tenik Edgar.
Nia akresenta, orasamentu ba eleisaun la prevé, maibé kuandu iha desizaun ba eleisaun, STAE sei aprezenta proposta hodi organiza.(*)