Hanoin Didi'ak Bainhira Hakarak Troka Taur

Primeiru Ministru Taur Matan Ruak hit limana ba jornalista sira antes husi Palasiu Prezidensial(28/2) Primeiru Ministru Taur Matan Ruak hit limana ba jornalista sira antes husi Palasiu Prezidensial(28/2) Foto Midia PR

Tempotimor (Dili) - Akademista Universidade Nasionál Timor Lorosa'e (UNTL), Fakuldade Siénsia Sosiál (FCS), Vitór Soares dehan, tenke tetu didi'ak antes foti desizaun hodi troka Primeiru Ministru, Taur Matan Ruak.

"Ita haree ba sira koligasaun agora maizumenus ida troka Taur ne'e tenke seniór liu. Ita haree ba postura ne'e labele iha fali Taur nia okos", dehan nia, iha Kampus FCS, Kaikoli, Sesta (28/2).

Akademista ne'e afirma, ema ne'ebe atu troka atuál Primeiru Ministru tenke seniór liu para bele hakotu impase polítika ka ba oin bele garante estabilidade governativa.

Nune'e, Vitór sujere Prezidente Partidu CNRT, Kay Rala Xanana Gusmão, maka asume fali kargu Xefe Governu, hodi ultrapasa situasaun ne'e, depois tinan rua tan eleisaun jerál maka entrega fali ba seluk.

Iha parte seluk, A Costa, estudante FCS  deklara, dúvida ba koligasaun foun ne'e tanba CNRT sobu ona koligasaun ida ho numeru deputadu 36, hodi harii fali koligasaun foun ho kadeira 34.

Antes ne'e Prezidente CNRT Kay Rala Xanana Gusmão liu husi programa grande intervista iha televizaun GMN hatete, CNRT sei la buka Partidu seluk atu forma governu no sei la hola parte iha governu foun.

"Ha’u dehan tiha ona CNRT iha serteza absoluta ho (partidu) see-see de’it, (CNRT) nia ema sei la toma pose. Ah buka (kandidatu) seluk lae, ne’e ami-nia kompetensia, tanba ne’e atu responde ita-boot (entrevistador) ba CNRT, ba de’it ami (CNRT), lae, se ha’u dehan ba imi hotu ne’e dehan poder informal ne’e. tanba ne’e ba ami CNRT Eleisoins antesipada mak dalan loos, justa no demokratika, tanba ita Repúblika Demokrtaika de Timor-Leste,” dehan Xanana hodi hatan ba lian husu karik CNRT sei halo koligasaun ho partidu seluk iha formasaun governu foun. (*)

Rate this item
(0 votes)
Last modified on Friday, 28 February 2020 18:13
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Anunsiu

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com