Print this page

MATO - ETO Fahe Malu Projetu Fornesimentu Kombustivel Hera

By February 29, 2020 3895
Instalasaun Sentral Eletrisidade Hera Instalasaun Sentral Eletrisidade Hera Foto suplai

Tempotimor (Dili) - Governu liuhusi Konsellu Ministru deside hodi fahe projetu fornesimentu kombustivel ba Sentru Eletriku Hera Lote 1 ba empreza MATO ho kompañia Esperansa Timor Oan (ETO). 


Antes ne'e, kompañia ETO maka sai fornesidor úniku kombustivel ba Sentrál Elétrika Hera Lote 1, maibé kontratu ne'e remata ona ih 30 Setembru 2019.

Nee duni, Governu deside hodi loke konkursu no aumenta empreza MATO ne'ebé konkórsiu ho kompañia Nikamat Mujur SDN, husi Malázia.

"Konsellu Ministru aprova rezolusaun relasaun ho fornesimentu mina iha Hera, iha ne'ebá Konsellu Ministru delibera atu ajudika kontratasaun ida ne'e iha bloku 1 Hera, ne'ebé iha kompañia ida naran MATO Unipesoal LDA", dehan Ministru Reforma Lejizlativu Asuntu Parlamentár (MRLAP), Fidelis Magalhães, iha Palásiu Governu, Sesta (28/2).

Aprovasaun ba deliberasaun ne'e atu garante funsionamentu ba Sentrál Elétrika ba territoriu Timor tomak, la inklui Rejiaun Administrativa Espesial Oekusi-Ambenu (RAEOA) no Ataúru. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items