Lia-hirak ne'e hato'o husi Jenerál Lere ba jornalista sira bainhira partisipa iha semináriu nasional komemorasaun loron Veteranu, iha Sentru Konvensaun Dili (CCD), Segunda (2/3).

"Ha'u hanoin katak eleisaun antesipada ne'e ita-nia povu ne'e baruk ona, Timor ida ke kiik, Timor ida ki"ak, Timor ida foin ukun aan tinan tolu eleisaun dala tolu. Ida ne'e labele mas situasaun polítika mak hanesan ne'e ami labele intervein," dehan Lere.

Veteranu ne'e mós akresenta, forsa armada no polisia kumpre devér, nia misaun seguransa estabilidade kuandu mosu eleisaun antesipada.

"Sé mak viola seguransa no estabilidade pasiensia tenke simu konsikuénsia no la'ós ha'u mak responsabliza mas polítiku sira mak responsabliza," dehan nia.

Tuir Lere, bainhira FALINTIL-FDTL hakmatek signifika seguransa no estabilidade mós hakmatek, nune'e tuir Jenerál Fitun Rua ne'e esensiál mak forsa armada no polisia tenke mantein hanesan lutu ba nasaun.

Antes ne'e Prezidente CNRT Kay Rala Xanana Gusmão liu husi intervista iha televizaun GMN ho fiar aan hatete, CNRT sei la buka Partidu seluk atu forma governu tan ba oin sa mos ninia membru sira maka pendente ate agora sei la hetan pose.

“Ba ami CNRT elisoins antesipada mak dala loos, Justa no demokratika, tanba ita Repúblika Demokrtaika de Timor-Leste,” dehan Prezidente CNRT, Kay Rala Xanana Gusmao.(*)