Lere: Lider Sira Preokupa Situasaun Polítika

(Husi liman los ba liman karuk) Eis Primeiru Ministru, Dr. Mari Alkatiri, Maun Bo'ot e eis Prezidente da republika, Kay Rala Xanana Gusmao, Eis Prezidenste da republika, taur Matan Ruak, Atual Prezidente da republika, Dr. Francisco Guterres lu Olo no Eis Prezidente da republika, Dr. Jose Ramos Horta iha seremonia ida iha 2013 iha Palasiu Prezidensial  (Husi liman los ba liman karuk) Eis Primeiru Ministru, Dr. Mari Alkatiri, Maun Bo'ot e eis Prezidente da republika, Kay Rala Xanana Gusmao, Eis Prezidenste da republika, taur Matan Ruak, Atual Prezidente da republika, Dr. Francisco Guterres lu Olo no Eis Prezidente da republika, Dr. Jose Ramos Horta iha seremonia ida iha 2013 iha Palasiu Prezidensial

Tempitimor (Dili) - Xefe Estadu Maiór Jenerál FALINTIL-FDTL hatete, lider nasionál sira la marka prezensa iha semináriu nasionál hodi komemora loron veteranu tanba sira preokupa ho situasaun polítika.

"Ita komprende situasaun polítika agora ne'e sira iha prekupasaun boot. Halo oinsá mak situasaun ne'e la'o hakmatek," dehan Majór Jenerál Lere Anan Timur, iha CCD, Segunda (2/3).

Veteranu ne'e akresenta, atu lider nasionál sira ne'e tenke mós iha konxiénsia hodi hakotu lalais impasse polítika ne'ebé akontese.

Lere hatete, dala ruma nia rasik temi beibeik lider na'in tolu nia hanesan Mari Alkatiri, Ramos Horta no Xanana Gusmão, tanba konsidera figura na'in tolu ne'e mak lider nasionál.

Nune'e, Lere husu atu veteranu sira ko'alia ba malu no tuur hakmatek relasiona ho situasaun polítika ne'ebé daudaun ne'e akontese.

Entertantu, antes ne'e Sekretáriu Estadu Veteranu libertasaun Nasionál, Gil da Costa, iha nia intervensaun sente triste tanba na'in ba istória sira hanesan Xanana Gusmão, Mari Alkatiri, José Ramos Horta la marka prezensa mezmu komisaun organizadora hato'o ona karta konvide. (*)

Rate this item
(0 votes)
Last modified on Monday, 02 March 2020 18:21
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.