"Buat hotu ita bele ko'alia, mas desizaun iha Prezidente Repúblika nia-liman, see Prezidente dehan ba eleisaun antisipada. Prontu, ita ba eleisaun antesipada", dehan nia, iha ninia rezidensia Manleuana-Dili, Tersa (3/3).
Naimori hatutan, Partidu KHUNTO prontu bainhira mak atu eleisaun antesipada no forma governu foun, tanba forma partidu atu sai servidór ba povu no nasaun.
Nia afirma, situasaun agora KHUNTO iha esperansa hotu entrega ba Xefe Estadu mak deside hodi foti desizaun ikus ba situasaun atuál.
"Tempu badak dalaruma Prezidente Repúblika sei bolu maun Xanana inklui maun sira seluk para oinsá bele haree ba oin. Ha'u sente sira sei hamutuk rezolve problema ne'e, tanba ita hotu-hotu iha interese oinsá atu hakotu impase polítika ne'e", tenik nia. (*)