Nia esplika, FRETILIN mak abut problema tanba halo interpretasaun la tuir ona estatutu ne'ebe uluk hamosu iha tinan 1975.

"Abut mak FRETELIN, tanba balu dehan sira mak fundadór, balu dehan FRETELIN ne'e movimentu no balu fali dehan FRETELIN ne'e partidu, entaun ida-idak interpreta tuir gostu no hakarak, la bazeia ba estatu orijinál ne'ebé uluk hamosu iha 1975", dehan Guntur iha Parlamentu Nasionál, Kinta (5/3).

Deputadu atual ne'e afirma,  ho karakter hirak ne'e mak evolui ona proseseu re-konstrusaun Estadu.

Nia esplika, halo konstituisaun la hako'ak lider balu, liuliu ko'alia re-konstrusaun faktu istóriku, organizasaun hira mak konstitui iha momentu prosesu ne'ebá, konstituisaun tenke hakuak hotu, se foti de'it iha dalan klaran konserteza nafatin halo negasaun ba luta na'in sira hanesan Xanana, Taur Matan Ruak, Ologario, Mahunu, Lere, ne'e segundu jerasaun, maibé iha Konstituisaun CNRM la eziste, signifika la rekoñese luta nai'n sira.

Nia haktur, razaun ne'e mak fukun, tanba ne'e tenke haree para tau sasán sira ne'e tuir nia fatin hodi bele hakotu ona impase polítika iha rai-laran.

"Iha FRETELIN sira dehan Mari mak fundador, depois mai halo negasaun total ba ema sira ne'ebe mai husi diresaun sobrevivente funu, ne'e organizasaun baze fundamentál ida ne'ebé hamriik atu halo balansu no ekilíbriu ba rezidensia sira iha Timor-Leste", tenik nia.

Guntur akresenta, fundadór tenke onestu no responsablidade ba fundamentu Estadu hodi hakotu ona impase polítika. (*)