Koligasaun Foun sei iha Tempu Konsolida Malu Featured

Koligasaun Foun sei iha Tempu Konsolida Malu Foto Mídia PR.

Tempotimor (Dili) - Laiha tempu atu termina vida partidu koligasaun foun atu forma governu, nune'e aliansa foun sei perpara rekizitu husi Prezidente Repúblika, Francisco Guterres Lú Olo.

"Laiha tempu ne'ebé fiksu tanba tenki ba fali, Prezidente Repúblika asentua tebes ba iha nesesidade Orsamentu Jerál Estadu ida ne'ebé tenke sustenta ba nesesidade governu ninian no ida ne'e hanesan rekizitu prinsipál no se karik iha formasaun governu ida mós tenke garante duni ninia sustentabilidade to'o rohan, labele iha klaran de'it. Signifika kondisaun sira ne'ebé ko'alia kona-ba rekizitu jurídiku legál tenke prienxe," dehan Sekretáriu Jerál PD, António da Conceição Kalohan, iha Palásiu Prezidensiál, Bairru-Pité, Sesta (6/3).

Nia hatutan, iha enkontru Prezidente haree karta ne'ebé hato'o husu koligasaun foun iha aspetu polítiku prienxe tanba iha ona koligasaun entre partidu 6 hodi kria maioria parlamentár.

Kalohan esplika, koligasaun foun sira seidauk halo konferénsia no kongresu ida tuir lei partidu polítika no jurídiku legál, nune'e Prezidente Repúblika hakarak atu hatene klean husi koligasaun foun.

"Partidu ida-ida fila no Prezidente koligasaun sei ko'alia ho partidu sira," dehan Kalohan.

Entertantu, partidu sira ne'ebé hamutuk forma koligasaun foun kompostu husi CNRT, PD, KHUNTO, Frente-Mudansa, UDT no PUDD hamutuk 34 kadeira iha Parlamentu Nasionál. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.