Print this page

Koligasaun Xanana Só Halo Kontente Malu Featured

Tempotimor (Dili) - Aliansa foun ne'ebé lidera husi Partidu CNRT hamutuk ho partidu 5 seluk hanesan meiu ida atu halo kontente-aan, tanba durasaun ba ukun hela tinan rua-resin.

Diretór Ezekutivu Luta Hamutuk, Jose Alves hateten, koligasaun foun mosu atu asegura malu para labele mosu eleisaun antesipada no halo kontente malu.

Tuir nia, antes ne'e, Partidu CNRT ne'ebé lidera Governu AMP, la hatudu konseitu dezenvolvimentu ba nasaun ne'e. Tanba ne'e, laiha konfiansa atu governu ne'e bele servisu ho efetivu iha tinan rua-resin nia-laran.

Nia relata, dala barak ko'alia kona-ba Planu Dezenvolvimentu Nasionál (PDN), maibé kuandu to'o kaer ukun so'e tiha konseitu ne'e ba kotuk.

"Ami ladún garante ba IX Governu ho tempu ne'ebé mais badak liután no efetividade ba dezenvolvimentu tinan ida de'it", tenik Jose, iha Salaun FONGTIL, Kaikoli, Sesta (6/3).

Nia hatutan, efetividade tinan ida de'it, tanba sira mak ukun konserteza iha tinan primeiru tenke halo reformasaun ba administrativa, signifika tenke hasai ema sira ne'ebé daudaun iha hela estrutura VIII Governu.

Nune'e, ba tinan tuir oinsa mobilizasaun ukun ba tinan lima mai, ne'ebé dezenvolvimentu ne'e sei la la'o efetivu. (*)

Rate this item
(2 votes)
Last modified on Friday, 06 March 2020 14:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items