Sekretáriu Jerál Partidu Demokrátiku (PD), António da Conceição "Kalohan" hatete, bainhira seidauk iha aseitasaun husi Prezidente Repúblika ba legalidade koligasaun foun, ema ne'ebé atu asume kargu Primeiru Ministru (PM) mós sei segredu ba públiku.
"Ita labele ko'alia ema, tanba ita ko'alia ema, ko'alia ema-nia sentimentu", dehan nia, hafoin partisipa kongresu Partidu KHUNTO, iha Sentru Konvensaun Dili (CCD), Sesta (6/3).
Maski ema ne'ebé atu asume kargu Xefe Governu sei segredu, maibé serteza sei iha Primeiru Ministru foun iha Governi foun ida.
Koligasaun foun ne'ebé kompostu husi Partidu CNRT, PD, KHUNTO, PUDD, UDT no FM ne'ebé asina ona ata, iha fulan-Janeiru hodi garante maioria parlamentár ho totál kadeira 34. (*)