Ikus Mai CNRT 'Hakruuk' Ba Prezidente Lú Olo Featured

Tempotimor (Dili) - Partidu Congresso Nacional Reconstrução Timor-Leste (CNRT), hakruuk ba Prezidente Repúblika, Francisco Guterres Lú Olo, hodi realiza duni konferénsia nasionál para hataan ba ezijensia Xefe Estadu nian.

Partidu CNRT halo konferénsia ne'e hodi deside kompozisaun foun iha AMP, nune'e hamosu konjuntura polítika foun hodi responde ba ezijénsia Xefe Estadu para hakotu impase polítika.

"Aprova mós kompozisaun Aliansa Maioria Parlamentár hodi akomoda liután vontade polítika ne'ebé espresa husi PD, FM, UDT no PUDD, hola parte iha Aliansa Maioria Parlamentár hodi hamosu konjuntura polítika foun atu hakotu impase polítika," dehan Sekretáriu Meza Konferénsia Nasionál, Adérito Hugo da Costa, iha Sede CNRT, Bairro dos Grilhos, Sábadu ( 7/3).

Nia hatutan, rezolusaun únika husi rezultadu konferénsia ne'e, CNRT reafirma pozisaun no rezolusaun hahú vigora no pródús ho efeitu.

"Tanba ne'e , afirma vontade polítika partidu CNRT atu responde rezultadu husi enkontru lider nasionál sira-nian ne'ebé fó sai iha loron 10 Fevereiru 2020," dehan Hugo.

Entertantu, antes ne'e, iha soru-mutu ho Prezidente Repúblika, Francisco Guterres Lú Olo, ezize ba koligasaun foun atu halo konferénsia hodi prienxe rekizitu husi Lei Eleitorál. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.