KHUNTO Halo Konferénsia Urjente Hodi Kaer Ukun Featured

Tempotimor (Dili) - Hafoin simu pedidu husi Prezidente Repúblika, Francisco Guterres Lú Olo, iha oras 24 nia-laran, Partidu Kmanek Haburas Unidade Timor Oan (KHUNTO), halo kedas konferénsia urjénsia hodi kaer ukun.

Partido KHUNTO ne'ebé hola parte iha koligasaun foun, liuhusi konferénsia nasionál, iha Sábadu (7/3), termina desizaun importante atu hamutuk ho partidu lima seluk hanesan CNRT, PD, PUDD, Frente-Mudansa no UDT atu viabiliza formasaun IX Governu.

"Ho responsabilidade morál polítika, ho hanoin klean, deside hodi kolabora iha desizaun polítika hodi kontribui ho objetivu hakotu impase polítika ne'ebé lori ona konsikuénsia boot ba vida sosiu-ekonómiku povu Timor-Leste," dehan karta ne'ebé www.tempotimor.com asesu, Sábadu (7/3).

Kongresu Nasionál KHUNTO ba daruak 2020, deside iha Rezolusaun N⁰ 4/KN, Partido KHUNTO III/2020 hodi hola parte integrante iha koligasaun polítika hamutuk ho partidu polítiku ho asentu parlamentár hodi viabiliza formasaun IX Governu Konstitusionál, tuir mata-dalan Konstituisaun RDTL.

Entertantu, Prezidente Repúblika, Francisco Guterres Lú Lu Olo, liuhusi soru-mutu,ho koligasaun foun, iha Sesta (6/3), termina ho rezultadu husu ba koligasaun foun atu kria konferensia nasionál hodi hataan ba rekizitu tuir Lei Eleitorál. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.