Ba Nasaun, Taur Prontu dehan La'e Bainhira Xanana Halo Sala 

Prezidente AMP, Kay Rala Xanana Gusmao (klaran) ka'er liman hamutuk ho porta voz AMP, Taur Matan Ruak (Karuk) no Konseleiru AMP, Jose Bukar naimori (los) durante enkontru ida iha Singapora iha fins 2017 Prezidente AMP, Kay Rala Xanana Gusmao (klaran) ka'er liman hamutuk ho porta voz AMP, Taur Matan Ruak (Karuk) no Konseleiru AMP, Jose Bukar naimori (los) durante enkontru ida iha Singapora iha fins 2017 Foto Arkivu

Tempotimor (Dili) - Primeiru Ministru, Taur Matan Ruak hatete, atu luta ba nasaun nia diak, prontu dehan la'e ba lider istoriku Kay Rala Xanana Gusmao kuandu hare bu'at ruma la los.


"Hau hanesan Primeiru Ministru no hanesan mos lidera partidu ida, admira ita boot sira (KHUNTO) tenke disiplina ho ita-nia vizaun, Timor la presiza ita hatudu katak, ita mak matenek liu, katak hau mos bele fo ha'u-nia kontribuisaun ba ha'u-nia nasaun", dehan Taur hafoin partisipa segundu kongresu partidu KHUNTO iha Centru Convensoes Dili, Domingo (8/3). 

"Iha VIII Governu partidu PLP no KHUNTO iha privilejiu servisu hamutuk ho CNRT partidu maun Xanana nian ne'ebe foin lalais hakoi rasik fali AMP. Ha'u dehan ba Naimori. kuandu maun Xanana Prezidente CNRT nia lakohi muda ninia kandidatu, ita boot ba ko'alia ho ha'u para troka ita-boot sira nia ema. Ne'e halo hau hanoin kona luta uluk nian, se sakrifika ema rihun ida atus rua ba ukun aan, tenke halo, se Taur mesak mak hela ema barak ba oin tenke halo no ita konsege halo duni, laiha ema ida iha timor husu perdua", tenik Taur. 

Kontente liu tan kuandu ema hatete esperensia laiha, se nesesariu sira neebe esperensia laiha hatudu ba sira ne'ebe iha esperensia katak, buat ne'ebe sira halo la loos. Nia dehan, independénsia Timor-Leste ema hotu-hotu fo kontribuisaun, la'os ema ida mesak mak fo kontribuisaun ba ukun aan.

"Kontente liu tan kuandu ema hatete ita ne'e esperensia la iha, hahu hosi Primeru Ministru, mais se nesesariu ita sira ne'ebe esperensia la iha hatudu ba sira ne'ebe iha esperensia katak, buat ne'ebe sira halo lalos tenke hatete ba sira, tanba nasaun ne'e ita hotu nian no ita hotu terus mak foin sai nasaun ida, la'os ema ida nian",Taur dehan, wainhira ensera segundu kongresu partidu KHUNTO iha Centru Convensoes Dili, Domingo (8/3) hodi responde ba deklarasaun Prezidente CNRT, Kay Rala Xanana Gusmao iha programa Grande Intervista ho GMN.

.

(*)

Rate this item
(1 Vote)
Last modified on Monday, 09 March 2020 18:15
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.