Deolindo La Komenta Asuntu Legalidade Koligasaun Foun

Prezidente Tribunal Rekursu ko'alia hela ba Jornalista sira iha Palasiu Prezidensial hafoin remata soru mutuk ho Prezidente da republika, Dr. Francisco Guterres Lu Olo (10/3) Prezidente Tribunal Rekursu ko'alia hela ba Jornalista sira iha Palasiu Prezidensial hafoin remata soru mutuk ho Prezidente da republika, Dr. Francisco Guterres Lu Olo (10/3) Foto Midia PR

Tempitimor (Dili) - Prezidente Tribunál Rekursu, Deolindo dos Santos, hili nonook lakohi komenta relasiona ba asuntu legalidade ba formasaun AMP agora wainhira AMP 2018 sei nafatin relasaun ba lei partidu polítika ne'ebé daudaun ne'e sai polemika iha sosiedade nia le’et.

"Diskusaun ne'ebé daudaun ne'e la'o, diskusaun mas polítika ne'ebé ke iha governante, polítiku sira nian. Tribunál seidauk bele tau tan buat balun iha ne'ebá atu ko'alia kona-ba kestaun polítika," dehan nia, iha Palásiu Prezidensiál, Bairru-Pité, Segunda (10/3). 

Nia hatutan, kuandu to'o iha Tribunál no prosesu kompletu ona mak Tribunál bele pronunsia no signiafika iha kestaun legál balun ne'ebé mosu. 

Entertantu, daudaun ne'e públiku hotu dúvida hodi interpreta oioin relasiona ho impase polítika ne'ebé akontese iha Timor-Leste. Liuliu, dalan legál atu hakotu impase polítika, hanesan baze legál kona-ba Aliansa Mundansa ba Progresu (AMP) ne'ebé nakfera no esklui PLP husi koligasaun. (*)

Rate this item
(1 Vote)
Last modified on Tuesday, 10 March 2020 14:31
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.