"Hau sei estuda halo didi'ak tiha lai, buat sira ne'e hotu la'ós dehan loron ida ka rua de'it," dehan Lú Olo, iha Subuli Metinaru, Sesta (13/2).

Nune'e, hataan kona-ba bainhira? Xefe Estadu lakohi komenta tempu ka durasaun atu fo sai desizaun tomak relasiona ho impase polítika inklui demisaun Primeiru Ministru.

"Ha'u seidauk bele hatete ida ne'e, husik ha'u estuda tiha lai dokumentu sira ne'e hotu mak ha'u sei bele koalia ba buat ne'e loos ka la loos," dehan Lú Olo.

Entertantu, Primeiru Ministru, Taur Matan Ruak, ofisialmente hatama ona karta demisaun ba Prezidente Repúblika hafoin koligasaun foun ne'ebé lidera husi CNRT kompostu mós husi PD, KHUNTO, PUDD, UDT no FM asina ata aliansa foun. (*)