Nunee duni Bankada opozisaun Fretilin iha parlamentu nasional realiza duni promessa ne’ebe antes nee hato’o ona ba publiku katak FRETILIN sei vota kontra orsamentu jeral 2019.
presidenti bankada Fretilin, Francisco Miranda Branco defende pozisaun, Bankada Fretilin vota kontra tanba governu halo marzinalizasaun hodi la tau prioridade ba programa ne’ebé fó benefisia direta ba povu nia moris.
“Governu halo marzinalizasaun ba parte seitór importante sira no produtivu tebes iha nasaun ida ne’e, hanesan seitór edukasaun, seitór saúde, agrikultura, infraestrutura bázika no saneamentu ne’ebé diretamente responde ba moris povu nia iha área rurais sira”, dehan Branco iha parlamentu nasional kuarta (12/12/2018)
Nia hatutan, durante ne’e povu ezije hela seitór importante sira ne’e, hahú husi restaurasaun indepedensia Timor-Leste, maibé la reflete ka la implementa bazeia ba nesesidade povu nia iha proposta OGE 2019 nia.
Entretantu deputadu bankada partidu Democrático Adriano do Nascimento ne’ebé vota kontra ba jeneralidade orsamentu jeral estadu 2019, lakohi fó komentáriu tanba nia dehan nee hanesan dever ezerse bazeia ba nesesiadde povu nia.