Xanana 'Obriga' Taur Kontra Konstituisaun

Primeiru Ministru Taur Matan Ruak hato'o diskursu iha Konferensia FRETILIN (14/3) Primeiru Ministru Taur Matan Ruak hato'o diskursu iha Konferensia FRETILIN (14/3) Foto Suplai

Tempotimor (Dili) - Ema barak maka la sente maibe situasaun ne'e akontese iha V Governu Konstitusional, bainhira Taur Matan Ruak asume kargu Prezidente Repúblika no Xanana Gusmão nu'udar Primeiru Ministru.

 Situasaun ne'e mosu bainhira partidu koligasaun Aliansa Maioria Parlamentár (AMP) kompostu husi Partidu CNRT, PD no Frente Mudansa. Iha ne'ebé CNRT tebe sai ninia aliadu sira seluk. 

Iha momentu ne'ebá, Xanana 'obriga' Taur atu viola konstituisaun tanba haree ba kadeira Partidu CNRT nian ne'ebé la prienxe maioria parlamentár. 

"Iha últimu V governu ba VI Governu ha'u hanesan Prezidente Repúblika ha'u pergunta ba maun Xanana katak, ita boot garante ba ha'u katak estabilidade governativa ne'e to'o finál? (Xanana) hataan garante! Ami iha maioria unanimidade iha parlamentu", deklara Taur, iha Kongresu Partidu FRETILIN, Sábadu (14/3). 

Entaun, iha momentu ne'ebá, transfere podér Primeiru Minustru ba Rui Araújo nu'udar Primeiru Ministru. 

"Mezmu ema akuza ha'u katak ne'e inkonstitusionál, hanesan Prezidente Repúblika responsablidade ha'u asume", tenik nia. 

Ezemplu ne'e Taur foti nu'udar lisaun ida ba formasaun governu ida nian katak kestaun estabilidade governativa ne'e importante. 

Nia dehan, depois eleisaun 2017 no 2018, mosu situasaun iha abranja ida maioria hamutuk iha governu, infelizmente iha maioria ida foin lalais ne'e kollapsu tiha. 

Razaun Kolapsu ne'e mai husi kandidatu na'in hitu ne'ebe impoin ba Prezidente Repúblika la fó pose, maibé tanba dada kleur liu entaun ikus mai oho-aan. 

Foin lalais, Prezidente Repúblika bolu lider no partidu sira hanoin eleisaun antesipada últimu rekursu, partidu asentu iha parlamentu buka malu no Primeiru Ministru mantein hala'o ninia funsaun. 

"Dalaruma ita konfunde ho opiniaun lider sira no Prezidente Repúblika nian, maibé Prezidente Repúblika hanesan órgaun unipesoal konsulta ita hotu-hotu, maibe nia sei deside tuir nia konxiénsia no vizaun na baze interese ho objetivu nasaun no estabilidade governativa, ne'e mak importante", dehan Taur. 

Nia hatutan, koligasaun foin aprezenta hamosu pergunta serake sira forte? Ho tolu (kadeira 36) la forte, neen (kadeira 34) forte fali ida ne'e Kestaun. 

Kona-ba diskusaun Orsamentu Jerál Estadu (OJE) tinan fiskál 2020, Taur agradese ba tátika FRETILIN hodi abandona plenária. 

Ida ne'e hatudu katak FRETILIN lakohi atu governu ne'e collaps. 

"Ne'e mak maun Mari nia pontu-de-vista katak, ami lakohi ba eleisaun antesipada ami hakarak governu ida ne'e ukun to'o rahun. Finalmente imi la hatun ami, ami mak hatun malu", tenik Taur. (*)

Rate this item
(5 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.