PM Taur kona-ba AMP: "...Ami Dada to'o Ami Bunuh Diri"

Taur Matan Ruak Partisipa iha Konferensia FRETILIN nian iha DILI (14/3) Taur Matan Ruak Partisipa iha Konferensia FRETILIN nian iha DILI (14/3) Foto Suplai

Tempotimor (Dili)-Primeiru Ministru Taur Matan Ruak afirma fila fali kona-ba Aliansa Mudansa ba Progresu (AMP) ne'ebé rahun ona.

PM Taur dehan, AMP mate tanba de'it Prezidente Repúblika Francisco Guterres Lu Olo la fó pose ba membru CNRT na'in hitu (7) ne'ebé tama iha lista membru governu.

Xefe governu ne'e dehan, hafoin eleisaun 2017 no 2018 iha abranja ida maioria hamutuk iha governu, maibé foin lalais ne'e maioria rahun tiha.

"Razaun (AMP) colaps (rahun) ne'e mai husi kandidatu na'in hitu ne'ebé impoin ba prezidente republika la fó pose, mais purke buat ne'e ami dada to'o ami bunuh diri tiha, entaun primeiru ministru mak lori ninian," deklara Taur bainhira partisipa iha Konferensia partidu FRETILIN ba dala haat iha salaun Parokia São José Katedral, Dili, Sabadu (14/03).

Taur dehan, durante tinan naruk nia laran ninia kareira tomak iha militar no foin ba dahuluk nia halo politika bainhira kandidata an ba prezidente repúblika.

Nune'e, nia hatutan, bainhira nia tama politika ema balun dehan katak iha politika ne'e tenke abu-abu uitoan.

"Ha'u uluk mutin-mutin, agora saida mak abu-abu ha'u la hatene, entaun ha'u aprende iha ezersisiu ne'e nia laran. So que politika ha'u hanoin iha ekolojika no etika, ida ne'e importante no nia rasionalidade, colaps ida ne'e Maun Mari (Alkatiri) dehan 'la'o ho FRETELIN mós mate'".

Iha oportunidade ne'e, PM Taur agradese mós ba deputadu FRETILIN sira ne'ebé abandona plenaria Parlamentu Nasionál tanba lakohi atu governu rahun.

"Ne'e mak Maun Mari (Alkatiri) nia pontu de vista katak 'ami lakohi ba eleisaun antesipada, ami hakarak governu ida ne'e ukun to'o rohan', finalmente imi (FRETILIN) la hatun ami, ami mak hatun malu," dehan Taur.

Rate this item
(4 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.