Tuir deputada ne'e, governu daudauk ne'e laiha osan tanba Orsamentu Jeral Estadu (OJE) 2020 la pasa iha PN.

Tan ne'e, Angelica husu ba deputadu sira atu labele fó sala deit ba governu.

Deklarasaun Deputada ne'e relasiona ho dezastre naturais ne'ebé akontese iha kapital Dili Sesta semana kotuk.

"Ohin ha'u rona Sra Ministra saude mos mai, sra Ministra Finansas mos mai, ita debate ona, oin sa, osan iha ka lae? Klaru ke Governu osan laiha tanba Parlamentu maka Xumba Orsamentu. Agora ita ko’alia atu halo retorika. Ohin devia ser Ministra Finansas Mai Tuur iha ne’e ita husu, sra Ministra osan iha be fundu kontijensia tinan kotuk nian ne’e sei iha ka lae? Osan ne’ebe ita uza tuir duadesimal ne’e iha ga la’e atu atende situasaun emerjensia sira hanesan agora ne’e atu atende situasaun invrevistu sira hanesan agora daudaun ne’e."

"Maibe agora ita mai koalia dehan ita ita solidariza deit tan ba hare ita nia komunidade hanesan ne’e depois ita du’un Governu maka sala, ministru maka sala e populasaun maka sala. Ne’e solusaun la iha. Bolu Ministra Finansas ou bolu ministeiru kompetente mai tuur iha ne’e husu osan atu atende situasaun ne’e iha ka la iha. Ohin deputada sira balun dehan husu ba Protesaun Sivil, husu ba Obras Publika. Por Amor de Deus se osan la iha, sira atu halo saida? Osan ita maka Xumba iha ne’e. Bankada Governu ou Koligasaun rasik maka Xumba Orsamentu Jeral do Estadu. Osan iha ne’ebe maka atu atende situasaun imprevistu sira ne’ebe afeta ba ita nia rain ne’e," deklara deputada ne'e.

Deputada ne'e hatene, koalia halimar karik nia hakarak dehan nia hakfodak hanoin mina matan iha fatisi mak nakfera tun mai.

"Maibé pronto ne’e situasaun dezastre naturais e ita hotu tenke Preokupa," katak nia.

Tan ne'e nia husu atu bolu Mnistra Finansaa ba PN atu husu governu iha osan ka laiha.

"Se osan laiha ita Parlamentu autoriza atu foti osan iha fundu ou foti osan iha ne'ebe atu atende situasaun imprevisto sira agora daudaun ne’e. Ne'ebé lalika mai halo retorika iha ne’e."