Ekipa Task Force sei Kontrola Covid-19 Iha Fronteira

Ministra Saude en ezersiciu komprimenta PR, Dr. Frnacisco Guterres Lu Olo tuir lala'ok Covid-19 (18/3) Ministra Saude en ezersiciu komprimenta PR, Dr. Frnacisco Guterres Lu Olo tuir lala'ok Covid-19 (18/3) Foto Midia PR

Tempitimor (Dili) - Governu Timor-Leste sei halo vijilánsia másimu iha área fronteira terrestre hodi halo prevensaun ba Coronavirus Disease 2019 (Covid-19) tama mai Timor-Leste .

 Ministra Saúde interina, Elia dos Reis Amaral hatete, too agora Timor-Keste seidauk iha Covid-19, nune'e ekipa Task Force sei reforsa vijilánsia rigorozu iha liña flonteira. 

"Ami halo lubuk ida ona no até a data kazu konfirmadu laiha, entaun haforsa liután vijilánsia rigorozu liután iha portaun entrada liña flonteira, atu nune'e ita iha protesaun másimu ba populasaun tomak," dehan nia, iha Palásiu Prezidensiál, Bairru-Pité, Kuarta (18/3) 

Soru-mutu entre Prezidente Repúblika, Francisco Guterres Lú Olo ho ekipa Task force kompostu husi CVTL, ONU no, OMS ho objetivu haforsa liña koordenasaun ho kontrolu tranzmisaun Covid-19 iha rai-laran no mós fronteira. 

Entertantu, antes ne'e, Primeiru Ministru deklara kuandu situasaun Covid-19 obriga Timor-Leste prontu taka aan ba mundu. 

Nune'e, Xefe Kaza Sivíl Prezidente Repúblika mos halo koordenasaun ho gabinete Primeiru Ministru no kontinua ho ekipa Task Force soru-mutu ho Prezidente Repúblika, Francisco Guterres Lú Olo. (*)Bottom of Form

Rate this item
(0 votes)
Last modified on Wednesday, 18 March 2020 16:38
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.