Responde Inundasaun : Fundus Kontijénsia Ki'ik, Guvernu Husu Levanta Fundu Petrolíferu

Primeiru Ministru Taur Matan Ruak, ko'alia ba Midia hafoin hasoru malu ho Preziente da Republika, Dr. Francisco Guterres Lu Olo iha palasiu Prezidensial, Dili (19/3) Primeiru Ministru Taur Matan Ruak, ko'alia ba Midia hafoin hasoru malu ho Preziente da Republika, Dr. Francisco Guterres Lu Olo iha palasiu Prezidensial, Dili (19/3) Foto Midia PR

Tempotimor (Dili) - Governu liuhusi Konsellu Ministru aprova ona levantamentu Fundu Petrolífeiru husu autorizasaun Parlamentu Nasionál hodi rekupera dezastre naturais ne'ebé akontese, iha Dili laran.

 "Ita agora iha hela duadesimu, kontijénsia ne'e ki'ik liu tanba ne'e mak foin lalais ami hasai desizaun rua liuhusi Konsellu Ministru aprova proposta lei ida para levantamentu, husu autorizasaun Parlamentu Nasionál no semana liuba propopin alterasaun Lei Orsamentu Jestaun Finanseira, para fó dalan liután ba governu hodi fó responde ita-nia kompromisu nasionál no internasionál," dehan Primeiru Ministru, Taur Matan Ruak, iha Palásiu Prezidensiál, Bairru-Pité, Kinta (19/3).

Nia esplika, estragu sira husi inundasaun akumula husi populasaun, infraestrutura hanesan eletrisidade, bee moos, estrada. 

Nune'e, Governu estima estragu sira husi dezastre naturais ho montante mais tokon US$ 20 no governu mos halo hela esforsu hodi rekupera infraestrutura no apoiu emerjénsia atu rekupera populasaun sira.

"Dezastre naturais ne'e ita halo levantamentu ona, seidauk totál mas ate agora ita hatene nia estragu ne'e atinji valór mais US$ 20," tenik nia. 

Entertantu, udan ne'ebé akontese iha Dili, Sesta (13/03), rezulta kuaze maioria Dili nakonu ho Bee no tahu. Kuaze estraga totál uma populasaun no infraestrutura hanesan eletrisidade no estrada kauza husi mota ne'ebé volume bee boot. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.