Deskonfia Covid-19 Tama ona TL, Taur : Tenke Teste Masal Covid-19
Primeiru Ministru Taur Matan Ruak hasoru malu ho Prezidente da republika, Dr. Francisco Guterres Lu Olo iha palasiu Prezidensial Dili
Foto File
Tempotimor (Dili) - Primeiru Ministru, Taur Matan Ruak, deskonfia Coronavirus Disease 2019 (Covid-19), liuliu ba timoroan sira ne'ebé antes ne'e partisipa reuniaun no balun halo servisu iha estranjeiru.
Xefe Governu hateten, bainhira timoroan balun husi Koreia mai ba liu uma, tanba ne'e mós deskonfia karik iha Timor mosu ona no husu atu prepara psikolojia no morál.
"Dalaruma iha ne'e ona, agora psikolojikamente no moralmente ita tenke perparadu. Ita labele hanoin dehan buat ne'e malae de'it," dehan Taur.
Nune'e, Primeiru Ministru hatete, Timor-Leste tenke halo teste masal, nune'e bele identifika moras Coronavirus Disease 2019 (Covid-19).
"Ba oin ita tenke halo ona teste masal, espera ke ita hetan ekipamentu," dehan Taur, iha Palásiu Prezidensiál, Bairru-Pité, Kinta (19/3).
Governu mós laiha planu atu evakua sidadaun timoroan ne'ebé iha estranjeiru relasiona ho moras Covid-19.
"Agora ita ba lalin hotu mai, iha ne'ebá iha ona, Ha'u hanoin ita konfia sira nia sistema iha ne'ebá. Ita laiha planu para lalin sira hotu mai," dehan Taur.
Antes ne'e, timoroan na'in hitu (7) mos partisipa iha reuniaun musulmanu nian iha fim fulan-Fevereiru hamutuk ho ema 16.000, iha Kuala Lumpur, Malazia. Agora daudaun fila ona mai Timor-Leste.
Reuniuan ne'e partisipa husi ema 1.500 ema husi nasaun seluk, liuliu husi nasaun Pasifiku no Sudeste Aziatiku, inklui husi Timor-Leste na'in hitu, neebe fila ona mai.
Entertantu, Covid-19 daudaun ne'e tuir dadus Organizasaun Saúde Mundiál (OMS) ne'ebé www.tempotimor.com asesu, Timor-Leste seidauk rejista ema afetadu mezmu foin lalais ne'e iha italianu no ema Chile ne'ebé deskonfia iha Covid-19, maibé rezultadu teste hatudu negativa. (*)
Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.comRelated items
in English
Popular
Error: No articles to display
.