FRETILIN no PLP sei Asina Nota Koligasaun Foun

Tempotimor (Dili) - Partidu Frente Revolusionáriu Timor-Leste Independente (FRETILIN) no Partidu Libertasaun Populár (PLP), Sabadu (21/3), sei asina nota koligasaun foun, nu'udar solusaun ida ba hakotu impase polítika iha rai-laran.

Tuir karta ne'ebé www.tempotimor.com asesu, nota deklarasaun konjuntu ne'e sei hala'o iha Otél Timor.

Husi karta ne'e dekreta katak Partidu FRETILIN no PLP sei foti pozisaun hanesan parte kontribusaun atu hakotu impase polítika.

"Desklarsaun hamutuk  ne'ebé sei halao husi FRETILIN no PLP hodi loke dalan ba IX Governu Konstitusionál no kontribui ba hasai impase polítika iha ita nia rai-laran," hateten iha karta ne'e.

Entertantu, Partidu FRETILIN hanesan opozisaun iha Parlamentu Nasionál ho kadeira 23  no PLP ho kadeira 8 iha bloku governu koligasaun Aliansa Mudansa ba Progresu (AMP), maibé dinámika politika mós muda aan hafoin OJE 2020 xumba iha Parlamentu Nasionál.

Tanba ne'e, partidu sira kompostu husi CNRT, KHUNTO, PD, UDT, FM no PUDD forma koligasaun foun ho naran AMP nafatin, maibe la inklui PLP rasik. 

Tanba ne'e, Primeiru Ministru, Taur Matan Ruak, ne'ebé mai husi PLP deside aprezenta karta demisaun ba Prezidente Repúblika, maibé to'o agora karta ne'e seidauk hetan aprovasaun husi Xefe Estadu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.